Heilbrigðisráðherra hefur ákveðið að leita samninga um leigu á hluta húsnæðis Heilsuverndarstöðvarinnar við Barónsstíg undir starfsemi Landlæknis og Lýðheilsustöðvar. Unnið er að sameiningu embættanna tveggja og gert er ráð fyrir að hún verði að veruleika um áramótin.

Heilbrigðisráðherra hefur skipað vinnuhóp til að skipuleggja aðgerðir til að draga úr ofnotkun og koma í veg fyrir misnotkun á methýlphenídati, sem birtist umfram allt í mikilli notkun á Ritalini og Ritalin Uno.

Heilbrigðisráðuneytið og hópur vísindamanna við Háskóla Íslands, Landspítalann, Háskólann í Árósum og Háskólann í Reykjavík ætla að að hefja samstarf um verkefni í upplýsingatækni til að gera heilbrigðisþjónustu markvissari og ódýrari. Yfirlýsing um samstarfið hefur verið undirrituð.

Ríkisstjórnin hefur samþykkt tillögu heilbrigðisráðherra og dómsmála- og mannréttindaráðherra um að áfengislögum verði breytt þannig að bann við áfengisauglýsingum verði  virt.

Geislavarnir ríkisins og Brunamálastofnun hafa lokið rannsókn á segulsviði í rúmlega 130 íbúðum. Niðurstöður benda til að segulsvið í íbúðum á Íslandi sé svipað og í Svíþjóð, að því er segir í frétt á vef Geislavarna.

Samkomulag um frumhönnun og gerð útboðsgagna milli SPITAL hópsins, sem í sumar bar sigur úr býtum í hönnunarsamkeppni um nýjan Landspítala og hlutafélagsins Nýr Landspítali ohf., var undirritað í dag.

Skráðum viðtölum hjá hjúkrunarfræðingum og ljósmæðrum á heilsugæslustöðvum fjölgaði töluvert milli áranna 2008 og 2009, að því er fram kemur í Talnabrunni, fréttabréfi landlæknis um heilbrigðistölfræði.

Taka þarf harðar á brotum gegn banni við áfengisauglýsingum á Íslandi. Þetta kom m.a fram í setningarávarpi heilbrigðisráðherra á norrænni ráðstefnu um áfengis- og fíkniefnarannsóknir, sem sett var í Reykjavík í gær.

Landspítalinn skilaði rúmum 35 milljónum króna í rekstrarafgang á fyrstu sex mánuðum ársins 2010, samkvæmt hálfsársuppgjöri sem Ríkisendurskoðun hefur staðfest.

Drög að áfangaskýrslu um eflingu heilsugæslunnar hafa verið birt á vef heilbrigðisráðuneytisins. Öllum gefst kostur á að koma með athugasemdir.

Samstarf Íslands og Færeyja í heilbrigðismálum hefur verið eflt með nýjum samningi milli Landspítalans í Reykjavík og færeysku landstjórnarinnar.

Ríkisstjórnin hefur samþykkt tillögu heilbrigðis-, umhverfis- og sjávarútvegs- og landbúnaðarráðherra um 9 milljóna króna framlag til rannsóknar á áhrifum eldgossins í Eyjafjallajökli á heilsu manna og dýra.

Stefnt er að því að útboð vegna bólusetningar allra ungbarna gegn pneumókokkasýkingum verði auglýst ekki síðar en 29. ágúst næstkomandi. Heilbrigðisráðuneytið áformar að hefja bólusetningarnar 1. apríl á næsta ári.

Heilbrigðisráðherra hefur skipað nýja stjórn Sjúkratrygginga Íslands frá og með 15. ágúst. Stjórnin er skipuð til fjögurra ára.

Viðbúnaðarstig hér á landi vegna heimsfaraldurs inflúensu (svínainflúensu) hefur verið lækkað frá hættustigi niður á óvissustig, að því er fram kemur á vef Landlæknisembættisins.

Nefnd sem metur hæfni umsækjenda um stöður forstjóra heilbrigðisstofnana hóf í dag störf vegna umsókna um starf forstjóra Landspítalans.

Ráðstafanir sem gripið var til vegna heilsufars í kjölfar eldgossins í Eyjafjallajökli í vor hafa skilað árangri, að því er niðurstöður rannsóknar sóttavarnalæknis benda til og fram kemur í Farsóttafréttum.

Sex umsóknir bárust um stöðu forstjóra Landspítalans, en umsóknarfrestur rann út 30. júlí. Heilbrigðisráðherra skipar í stöðuna til fimm ára frá 1. október 2010.

Tryggt hefur verið að sjúkraflugvél verður staðsett í Vestmannaeyjum um verslunarmannahelgina. Heilbrigðisráðherra fól nýlega Sjúkratryggingum Íslands að semja við Mýflug hf. um þetta, en kostnaðarauki vegna þessa er 725 þúsund krónur.

Hönnunarteymið SPITAL varð hlutskarpast í samkeppni um byggingu nýs Landspítala og húsnæðis fyrir heilbrigðisvísindasvið Háskóla Íslands. Tilkynnt var um þetta við athöfn á Háskólatorgi 9. júlí síðastliðinn.

Kynning dómnefndar á niðurstöðum í hönnunarsamkeppni um byggingu nýs Landspítala og húsnæðis fyrir heilbrigðisvísindasvið Háskóla Íslands fer fram á morgun, föstudaginn 9. júlí.

Álfheiður Ingadóttir heilbrigðisráðherra heimsótti í liðinni viku Vestmannaeyjar. Þar kynnti ráðherra sér m.a. starfsemi Heilbrigðisstofnunar Vestmannaeyja.

30 tillögur að samhæfðum aðgerðum gegn einelti í skólum og á vinnustöðum eru settar fram í skýrslu starfshóps sem þrjú ráðuneyti, þar á meðal heilbrigðisráðuneytið, skipuðu í fyrra.

Hulda Gunnlaugsdóttir forstjóri Landspítala hefur sagt starfi sínu lausu. Forstjóri spítalans er skipaður af heilbrigðisráðherra, samkvæmt lögum um heilbrigðisþjónustu, og verður starfið auglýst fljótlega.

Rekstur heilbrigðiskerfisins og stefnumörkun næstu ára var rædd á fundi sem á þriðja tug forystufólks aðildarfélaga Bandalags háskólamanna (BHM) átti í gær með Álfheiði Ingadóttur heilbrigðisráðherra.

Laga þarf íslenska heilbrigðiskerfið að breyttri samfélagsgerð og lífsháttum í landinu, að því er fram kom í máli Álfheiðar Ingadóttur heilbrigðisráðherra á ráðstefnunni Heilbrigðiskerfið 2015, sem haldin var á dögunum.

Heilsugæsla höfuðborgarsvæðisins hefur afturkallað að hluta fyrirhugaða lokun síðdegisvakta sem gilda átti á heilsugæslustöðvum frá miðjum júní og fram í miðjan ágúst. Þegar hefur verið opnað aftur fyrir síðdegisvaktir á fjórum stöðvum og sú fimmta bætist við í vikunni.

Ísland er vel búið undir að hefja aftur fjöldabólusetningu gegn svínainflúensu komi til þess að ný bylgja ríði yfir á komandi misserum, að því er fram kemur í upplýsingum frá sóttvarnalækni.

Norðurlöndin hafa áhuga á að vinna saman að því að fyrirbyggja langvinna sjúkdóma og bjóða mjög sérhæfðar meðferðir fyrir fámenna sjúklingahópa, að því er fram kemur í tilkynningu norrænna heilbrigðis- og félagsmálaráðherra, sem funduðu í Álaborg í Danmörku dagana 21-22. júní.

Staða á biðlistum eftir völdum aðgerðum á sjúkrahúsum landsins er almennt góð ef miðað er við sama tímabil fyrir ári að mati Landlæknisembættisins, sem birt hefur samantekt yfir stöðu biðlista í júní 2010.

Venjuleg farsímanotkun eykur ekki líkur á myndun heilaæxla, að því er fram kemur í frétt á vef Geislavarna ríkisins. Vísað er til niðurstaðna úr stórri alþjóðlegri rannsókn á notkun farsíma.

Mikilvægt er að huga að heilbrigði og líðan ungmenna á aldrinum 12-20 ára í því efnahagsástandi sem nú ríkir á Íslandi og víðar í Evrópu, að því er fram kom í ræðu Álfheiðar Ingadóttur heilbrigðisráðherra á fundi norrænna heilbrigðis- og félagsmálaráðherra í Álaborg í Danmörku í dag.

Greitt verður fyrir aðgangi milli Norðurlandanna að upplýsingum um starfandi lækna að því er heilbrigðisráðherrar landanna ákváðu á fundi í Álaborg í Danmörku í dag. Markmiðið er að bæta öryggi sjúklinga.

190 milljónir króna af 500 milljóna aukafjárveitingu ríkissjóðs til viðhalds og endurbóta opinberra fasteigna í sumar verða nýttar í viðhald heilbrigðis- og heilsugæslustofnana.

Meðalbiðtími eftir hjartaaðgerðum hefur ekki verið styttri í fimm ár, samkvæmt upplýsingum frá Landspítalanum. Í greinargerð LSH vegna hjartaaðgerða kemur fram að biðtími eftir aðgerðum í ár er 1-2 mánuðir, óháð aðgerð.

Lyf og heilsa misnotaði markaðsráðandi stöðu sína með skipulagðri atlögu gegn Apóteki Vesturlands, að mati áfrýjunarnefndar samkeppnismála sem úrskurðaði um þetta í gær. Ber Lyfjum og heilsu að greiða 100 milljóna króna stjórnvaldssekt vegna málsins.

Í ljósi áhrifa sem eldgosið í Eyjafjallajökli getur haft á heilsu landsmanna hefur heilbrigðisráðherra skipað stýrihóp til að vinna að vísindarannsókn á heilsufarslegum áhrifum eldgossins til langs tíma á íbúa landsins.

Unnið er að skýrslu um dánarorsakir og flokkun þeirra á vettvangi Norrænu heilbrigðistölfræðinefndarinnar (NOMESKO). Nefndin heldur þessa dagana árlegan vinnufund, en fundurinn er að þessu sinni haldinn hér á landi.

Ungmennum yngri en 18 ára verður óheimilt að nota ljósabekki, en Alþingi samþykkti í dag breytingu á lögum um geislavarnir þar sem kveðið er á um þetta.

Opinbert hlutafélag vegna byggingar nýs Landspítala við Hringbraut tekur til starfa í júlí. Alþingi samþykkti í dag frumvarp sem kveður á um stofnun félagsins, en góð samstaða var um málið í þinginu.

Fimm hönnunarteymi sem taka þátt í samkeppni um frumhönnun nýs Landspítala skila í dag gögnum til Ríkiskaupa. Dómnefnd vegna samkeppninnar fær tillögurnar afhentar fyrir helgina, en niðurstöður úr keppninni á að birta 9. júlí næstkomandi.

Stefnt er að því að öll börn sem fæðast hér á landi frá og með 2011 verði bólusett gegn pneumókokkasýkingu, en hún er einn af helstu orsakavöldum eyrnabólgu. Alþingi hefur samþykkt tvær þingsályktunartillögur um bólusetningar, annars vegar gegn pneumókokkum og hins vegar gegn leghálskrabbameini af völdum HPV-veiru.

Alþingi hefur samþykkt breytingar á lögum um heilbrigðisþjónustu. Frumvarpið sem samþykkt var felur í sér þá breytingu að ekki er lengur bundið í lögum að vera skuli tveir faglegir yfirmenn á hverri heilsugæslustöð.

Samkomulag um aukið samstarf í heilbrigðismálum milli Íslands og Grænlands var undirritað í Nuuk á Grænlandi í gær. Samstarfssamninginn undirrituðu ráðherra heilbrigðismála á Grænlandi, Agathe Fontain, og Álfheiður Ingadóttir, heilbrigðisráðherra Íslands.

Úthlutað hefur verið úr Forvarnasjóði fyrir árið 2010. Að þessu sinni er ríflega 71 milljón kr. úthlutað til 79 verkefna þar af er sérstök fjárveiting, 15 milljónir, sem ætluð er til sérstakra heilsueflingaverkefna. Alls bárust umsóknir um 129 verkefni.

1,9% samningsbundin hækkun sérfræðilækniskostnaðar kemur til framkvæmda í dag. Undanfarið hefur heilbrigðisráðuneytið átt í viðræðum við Læknafélag Reykjavíkur um að félagið taki þátt í því með ráðuneytinu að lækka lækniskostnað sjúkratrygginga, en samningar um slíkt hafa ekki tekist.

Á þriðja tug sérfræðinga heilbrigðisráðuneytisins og stofnana þess sátu í gær fræðslu- og spjallfund með Jacob Hofdijk, ráðgjafa ríkisstjórnar Hollands um samfellda heilbrigðisþjónustu og aðferðir við greiðslu fyrir þjónustu.

Önnur umræða um frumvarp til laga um gjafaegg fór fram á Alþingi í gær, en vonir standa til að frumvarpið geti orðið að lögum fyrir þinglok í júní.

Um þriðjungur þunglyndislyfja sem ekki féllu að breyttri greiðsluþátttöku ríkisins hefur lækkað í verði. Ný reglugerð um breytta greiðsluþátttöku við kaup á lyfjum tekur gildi á morgun, en markmið hennar er að draga úr notkun dýrari þunglyndislyfja.

Nýr vefur Heilbrigðisstofnunar Vesturlands (HVE) var tekinn í notkun í dag við athöfn sem fram fór í fundarstofu stofnunarinnar á Akranesi. Álfheiður Ingadóttir heilbrigðisráðherra opnaði vefinn.

Fyrsta alþjóðlega ráðstefnan í upplýsingatækni í heilbrigðisþjónustu á Íslandi verður haldin dagana 2. til 4. júní n.k., en þar gefst tækifæri til að kynnast því sem efst er á baugi í málefnum rafrænnar sjúkraskrár og samvirkni heilbrigðisgagna.

Álfheiður Ingadóttir heilbrigðisráðherra átti í gær góðan fund með Breiðum brosum, samtökum aðstandenda barna með skarð í vör og góm.

Alþingi samþykkti í gær frumvarp heilbrigðisráðherra um að fella brott lög frá árinu 1938 um afkynjanir, sem heimiluðu í ákveðnum tilfellum aðgerðir á fólki sem kæmu í veg fyrir að það gæti aukið kyn sitt.

Heilbrigðisráðherra barst í dag skýrsla starfshóps forsætisráðherra um viðbrögð stjórnsýslunnar við skýrslu rannsóknarnefndar Alþingis.

Landlæknisembættið hefur skilað til heilbrigðisráðuneytisins úttekt á heilsugæsluhluta Heilbrigðisstofnunar Suðurnesja (HSS).

Síðastliðinn föstudag var undirritaður samningur milli Háskólans á Akureyri og Heilbrigðisstofnunar Austurlands um samvinnu við verknám nemenda á heilbrigðisvísindasviði HA. Annars vegar er um að ræða klínískt nám í hjúkrunarfræði og hins vegar vettvangsnám í iðjuþjálfun.

Afgreiðsla umsókna á grundvelli reglugerðar nr. 190/2010 er hafin og hafa Sjúkratryggingar Íslands sent þeim einstaklingum sem þegar höfðu lagt inn umsókn bréf þess efnis.

Rúmlega hundrað fulltrúar frjálsra félagasamtaka mættu á stefnumót sem heilbrigðisráðuneytið boðaði með fulltrúum þriðja geirans 24. mars 2010.

Heilbrigðisráðuneytið auglýsir laust til umsóknar embætti skrifstofustjóra á skrifstofu yfirstjórnar.

Heilbrigðisráðuneytið stendur fyrir opnum fundi um staðgöngumæðrun föstudaginn 26. mars næstkomandi, kl. 13:00-16:00. Fundurinn fer fram á Grand Hóteli.

Þjónustusamningur milli Krabbameinsfélags Íslands og Sjúkratrygginga Íslands um skipulagða leit að krabbameini í leghálsi og brjóstum kvenna var undirritaður þann 18. mars í aðalstöðvum Krabbameinsfélagsins í Skógarhlíð.

Heilbrigðisráðuneytið ítrekar áður auglýsta styrki vegna gæðaverkefna í heilbrigðisþjónustunni árið 2010 í samræmi við stefnumörkun heilbrigðisyfirvalda í gæðamálum til ársins 2010.

Heilbrigðisráðherra hefur skipað dómnefnd vegna samkeppni um nýjan Landspítala sem hófst formlega í dag þegar Ríkiskaup afhentu keppnisgögn hönnunarteymunum fimm sem urðu hlutskörpust í forvali um verkefnið.

Framkvæmd lyfjamála verður tekin til gagngerrar endurskoðunar á vegum heilbrigðisráðuneytisins.

Undirbúningshópur sem vinna mun að sameiningu Landlæknisembættis og Lýðheilsustöðvar fundaði í fyrsta sinn í heilbrigðisráðuneytinu í gær.

Heilbrigðisráðherra, Álfheiður Ingadóttir, undirritaði í dag nýja reglugerð um aukna þátttöku sjúkratrygginga í nauðsynlegum tannlækninga- og tannréttingakostnaði vegna alvarlegra afleiðinga fæðingargalla, sjúkdóma eða slysa.

Heilbrigðisráðuneytið leggst alfarið gegn því að heimilað verði að opna spilavíti á Íslandi og tekur undir orð landlæknis um neikvæð áhrif spilavíta á heilsu landsmanna.

Heilbrigðisráðuneytið auglýsir fimm námsstöður til sérnáms í heimilislækningum lausar til umsóknar.

Athugasemd heilbrigðisráðuneytisins vegna úrskurðar um ávana- og fíkniefni sem kveðinn var upp í Hæstarétti Íslands þann 19. febrúar s.l.

Nú er ljóst að yfir 700 íslenskir sérfræðingar á byggingarsviði og flestar stærstu arkitekta- og verkfræðistofur landsins munu taka þátt í hönnunarsamkeppni nýs Landspítala við Hringbraut.

Álfheiður Ingadóttir heilbrigðisráðherra opnaði í gær nýtt og rúmbetra húsnæði Hjálpartækjamiðstöðvar Sjúkratrygginga Íslands (SÍ) að Vínlandsleið 16 í Grafarholti í Reykjavík.

Samið hefur verið við Neyðarlínuna um að starfrækja eitt sameiginlegt þjónustusíma-númer, 112, fyrir allar heilbrigðisstofnanir á Vesturlandi. Nýtt fyrirkomulag símsvörunar tók gildi í gær, mánudaginn 15. febrúar.

Stýrihópur sem skipaður var þann 26. ágúst 2009 af þáverandi heilbrigðisráðherra Ögmundi Jónassyni, skilaði tillögum sínum að breyttri skipan stjórnsýslustofnana heilbrigðisráðuneytisins til Álfheiðar Ingadóttur heilbrigðisráðherra í dag föstudaginn 22. janúar 2010.

Engar hækkanir verða á gjaldi fyrir heilbrigðisþjónustu aldraðra sem fá óskertan ellilífeyri.

Heilbrigðisráðherra hefur sett reglugerðir sem koma til móts við þá sem bera mikinn tannlæknakostnað vegna fæðingargalla, sjúkdóma eða slysa.

Álag á starfsmenn hefur almennt ekki aukist á Landspítala og tölur um raunverulegan hjúkrunartíma á sjúkling benda til meiri umönnunar.

40 ár eru um þessar mundir frá því lög um heilbrigðisráðuneyti tóku gildi og hyggst ráðuneytið minnast þess með margvíslegum hætti á árinu.

Verkefnisstjórn hefur ákveðið að framlengja umsóknarfrest um styrki vegna þjónustu við langveik börn og börn með ADHD greiningu til 27. janúar næstkomandi. Ekki verður tekið við umsóknum eftir þann tíma.

Heilbrigðisráðherra heimsækir þessa dagana deildir Landspítala ásamt aðstoðarmanni sínum og embættismönnum heilbrigðisráðuneytisins.

Lesa meira

Almenn komugjöld í heilsugæslunni breytast ekki, komugjöld barna á slysa- og bráðadeildir falla niður og gjald vegna vitjana lækna til barna fellur niður frá áramótum.

Lesa meira

Heilbrigðisráðherra fól fyrir skömmu landlæknisembættinu að uppfræða almenning um skógarmítil og hvernig forðast má skaða vegna hans.

Lesa meira

Frá og með áramótum miða Sjúkratryggingar Íslands endurgreiðslur við ódýrustu dagskammta astma- og ofnæmislyfja.

Lesa meira