Reglugerð nr. 199/1983 um starfsréttindi og starfssvið lyfjatækna með áorðnum breytingum skv. reglugerð nr. 379/1992

Rétt til að kalla sig lyfjatækni og starfa sem slíkur hér á landi hefur sá einn, sem hlotið hefur til þess löggildingu heilbrigðisráðherra.


[Rétt til að öðlast starfsleyfi, sbr. 1. gr., hefur sá einn sem lokið hefur prófi við lyfjatækna-braut framhaldsskóla sem metið er gilt af heilbrigðisyfirvöldum.

Jafnframt fellur úr gildi reglugerð nr. 196/1983 um Lyfjatæknaskóla Íslands með áorðnum breytingum.]1)
1) Rg. 379/1992, 1.gr.

Starfssvið lyfjatækna eru störf við lyfjaafgreiðslu og lyfjagerð undir handleiðslu og á ábyrgð lyfjafræðings.
Heimilt er að veita lyfjatækni takmarkaðan og staðbundinn afgreiðslurétt úr lyfjaforða, sbr. 24. gr. laga um lyfjadreifingu nr. 76/1982.

Óheimilt er að ráða til lyfjatæknisstarfa aðra en þá, sem heilbrigðismálaráðherra hefur veitt starfsréttindi hér á landi, sbr. ákvæði laga nr. 64/1971 um tæknimenntaðar heilbrigðisstéttir.

Um viðurlög við brotum í starfi lyfjatækna gilda ákvæði laga nr. 64/1971 um tæknimenntaðar heilbrigðisstéttir svo og laga um lyfjadreifingu nr. 76/1982 eftir því sem við á.

Reglugerð þessi, sem sett er samkvæmt heimildum í 15. gr. laga um lyfjadreifingu nr. 76/1982 og lögum um tæknimenntaðar heilbrigðisstéttir nr. 64/1971, öðlast þegar gildi.