Verkefni heilbrigðisráðuneytisins

Heilbrigðisráðuneytið hefur á hendi yfirstjórn, heildarstefnumótun og framkvæmd þeirra mála er undir það heyra skv. reglugerð nr. 177/2007 um Stjórnarráð Íslands (pdf opnast í nýjum glugga). Samkvæmt reglugerðinni fer ráðuneytið með mál er varða heilbrigðisþjónustu, þar á meðal lýðheilsu og forvarnir s.s. geislavarnir; heilsugæslu; sjúkrahús og heilbrigðisstofnanir; heilbrigðisþjónustu á hjúkrunarheimilum; endurhæfingar- og meðferðarstofnanir; lyf og lækningatæki; starfsréttindi í heilbrigðisþjónustu og löggildingu starfsheita í heilbrigðisgreinum. Ráðuneytið fer einnig með sjúkra- og slysatryggingar almannatrygginga og sjúklingatryggingu.
Samkvæmt lögum um Stjórnarráð Íslands hefur ráðuneytið einnig eftirlit með starfrækslu stofnana sem undir það ber og eignum á vegum þeirra stofnana.

Helstu málaflokkar á ábyrgð ráðuneytisins eru:

Heilbrigðisþjónusta
Heilbrigðisþjónusta skal veitt á viðeigandi þjónustustigi og skal heilsugæslan vera fyrsti viðkomustaður sjúklinga.

Heilbrigðisstéttir
Setning laga og reglugerða vegna lögverndunar starfsheita heilbrigðisstétta

Lyfjamál
Eftirlit með framboði, gæðum, öryggi, þjónustu og kostnaði lyfja.

Réttindi sjúklinga og skylda heilbrigðisstarfsfólks til að upplýsa sjúklinga um réttindi þeirra.

Sjúkra- og slysatryggingar
Gerð lagafrumvarpa og reglugerða ásamt öðrum verkefnum sem tengjast sjúkra- og slysatryggingum.

Fjármál
Fjárlagavinna heilbrigðiskerfisins, áætlanagerð og eftirlit með framkvæmd fjárlaga hjá stofnunum ráðuneytisins.

Stefnumótun og þróunarmál
Heildarstefnumótun í heilbrigðismálum, gæðamál, upplýsingatæknimál og önnur þróunarverkefni innan heilbrigðisþjónustunnar.