Ráðuneyti

Heilbrigðisráðuneytið var formlega stofnað 1. janúar 1970, með gildistöku laga um Stjórnarráð Íslands nr. 73/1969 undir heitinu heilbrigðis- og tryggingamálaráðuneyti. Með lögum nr. 109/2007 um breytingu á lögum um Stjórnarráð Íslands nr. 73/1969 var heiti ráðuneytisins breytt í heilbrigðisráðuneyti og tók nafnbreytingin gildi þann 1. janúar 2008.

Heilbrigðisráðuneytið hefur á hendi yfirstjórn, heildarstefnumótun og framkvæmd þeirra mála er undir það heyra skv. reglugerð nr. 177/2007 um Stjórnarráð Íslands (pdf opnast í nýjum glugga). Samkvæmt reglugerðinni fer ráðuneytið með mál er varða heilbrigðisþjónustu, þar á meðal lýðheilsu og forvarnir, þ.m.t. geislavarnir; heilsugæslu; sjúkrahús og heilbrigðisstofnanir; heilbrigðisþjónustu á hjúkrunarheimilum; endurhæfingar- og meðferðarstofnanir; lyf og lækningatæki; starfsréttindi í heilbrigðisþjónustu og löggildingu starfsheita í heilbrigðisgreinum. Ráðuneytið fer einnig með sjúkra- og slysatryggingar almannatrygginga og sjúklingatryggingu.
Samkvæmt lögum um Stjórnarráð Íslands hefur ráðuneytið einnig eftirlit með starfrækslu stofnana sem undir það ber og eignum á vegum þeirra stofnana.

Heilbrigðisráðherra, Álfheiður Ingadóttir, fer með yfirstjórn ráðuneytisins og ber ábyrgð á öllum stjórnarframkvæmdum þess.

Ráðuneytisstjóri, Berglind Ásgeirsdóttir, stýrir ráðuneytinu undir yfirstjórn ráðherra.

Aðstoðarmaður ráðherra er Lísa Kristjánsdóttir.

Starfsemi ráðuneytisins skiptist í yfirstjórn, þrjú svið og þjónustuskrifstofu. Sviðin þrjú eru svið stefnumótunar heilbrigðismála, svið fjármála og rekstrar, og svið laga og stjórnsýslu. Skrifstofur ráðuneytisins heyra hver undir sitt svið.

• Meginskipulag heilbrigðisneytisins frá nóvember 2007
• Reglur um afgreiðslutíma erinda til heilbrigðisráðuneytisins